pcb

PCB

                                        PCB

 

اول حاجه لازم نعرفها هوا

ايه ال pcb …؟

و دى كلمه ولا اختصار لحاجة .. ؟

بتشتغل ازاى ..؟

بتتعمل ازاى …؟

كل دى اسئله بتدور فى دماغنا و هنحاول نعرف كل ده دلوقتى .

ال pcb دة اختصار ل printed circuit board

و هنعرف معنى الاسم من خلال طريقه عملها .. ف كمل قرايه و متزهقش….

بتعمل اية بقى ال pcb …؟

بنستخدمها لما نكون عايزين نعمل مشروع الكترونى بسيط او دايرة كهربيه عموما و ممكن نعمل منها حاجه بسيطه جدا و تافهة .. و ممكن نعمل منها حاجات كبيرة و مهمة زى كارت الشاشة بتاع الكمبيوتر.

طب ايه اللى هيخلينى استخدم ال pcb عشان اعمل دايرة  

ما فى كذا طريقه تانية زى ال breadboard مثلا … !!

ممكن مانلاقيش فرق كبير بين ال breadboard و ال  pcb  بس ده فى المشاريع الصغيرة .. لكن لو عندنا مشروع كبير و جربنا نعمله بالطريقتين هتحس بالفرق .. طب لية ؟؟؟

احنا فى ال breadboard عشان نوصل ال component بتوع الدايرة ببعضها بنعتمد على ال jumper او ال wires

ف كل ما المشروع يكبر كل ما ال component تزيد كل ما هتلاقى زحمه كتيير اوى قدامك و اسلاك متعرفش هيا جاية منين ولا رايحه فين ( زى الصور اللى تحت دى ↓) … و المشكلة الاكبر لو حصل حاجه غلط فى التوصيل .. صعب اوى تحدده او تحدد مكانه.

طب اية الميزة فى ال pcb بقى …. ؟

عشان نعرف اية الميزة محتاجين نعرف ال pcb عبارة عن اية و بتشتغل ازاى ..!!؟؟

ال pcb عبارة عن طبقة من عازل و فوقيها طبقة خفيفه اوى نحاس ( المسئول عن مرور التيار ) و بيبقى ليها مقاسات مختلفه حسب المشروع .

single side pcb

– لما النحاس يبقى فى ناحية واحدة بس بيبقى اسمها    single side pcb.

و كمان فى كذا نوع لل pcb زى :

– ال double side pcb و دى فيها النحاس من الناحيتين .

بس احنا معظم كلامنا و شغلنا على ال single side

طب دلوقتى عرفنا انها طبقة من نحاس … ازاى هعمل المشروع بتاعى …؟؟

هنمشى مع بعض بشوية خطوات كدة :

1-  حاجه انى استخدم برنامج proteus انى اطبع ال design بتاعى  ( و دة لينك فيديو ازاى تحمل و تشغل البرنامج   

 بس ناخد بالنا ان الورق اللى هنطبع عليه مش ورق عادى .. ده بيبقى اسمه glossy paper و هنعرف ليه النوع دة بالذات دلوقتى ..

1

 

بعد ما اطبع ال design هجيب قطعه ال pcb و اخليها نفس مقاس ال design . ↓

الحاجة المهمة بقى ازاى انقل ال design اللى على الورقة لل pcb ….؟؟

بكل بساطه هنستخدم مكواة …. ايوة زى ما قريت المكواة العادية بتاعت الهدوم .. بعد ما نحط الورقة على ال pcb هنفضل نمشى المكواة عليها عشان ال design يتنقل و هنمسك فوطة زى الصورة عشان بتكون سخنة اوى.↓

و هنا تيجى اهمية ال glossy paper عشان لو كنا كوينا على ورق عادى كان اتحرق لما احط المكواة عليه … و كدة نقدر نفهم معنى printed circuit board  انى بطبع ال circuit  بتاعتى على طبقة من النحاس و بالتالى بتعمل عمل ال board .

بعد ما اكوى الورقه على ال pcb الورقة هتلزق فعشان كده هحطها شوية فى ماية سقعه عشان الورق يتشال و لو لسة فى حتت ورق صغيرة .. ممكن باى حاجه رفيعه او ليها سن نشيل بيها .
دلوقتى بقى عندنا ال pcb و المسارات اللى عايز امشى التيار فيها عليها حبر الطباعة  زى كدة ↓
   
بس ممكن يحصل  مشكلة هنا  .. انى و انا بشيل الورق جزء من الحبر ميطبعش على ال pcb  هعمل اية بقى فى الحالة       دى …. ؟!؟! معقولة هعيد دة كله تانى ..!! 
طبعا لأ .. ببساطة الحتة اللى متطبعتش هرسمها بقلم ( زى بتاع السبورة بس مبيتمسحش ) و اكنى حطيت حبر فى الحتة اللى متطبعتش و اكمل عادى… 
 اعمل اية بقى عشان اشيل كل النحاس ما عدا اللى تحت الحبر …؟؟!!
هحط قطعة ال pcb فى حمض ( زى كلوريد الحديد ) و ده ممكن يتباع سائل او صلب ( لو صلب بنحط معلقة على كوباية ماية و يبقى هوا هوا ) و بكده الحمض دة بيتفاعل مع النحاس ( اللى مش علية حبر ) و يتشال خالص.. و بكدة يبقى عندنا الدايرة اللى عايزينها بس عليها حبر زى كدة ↓

        

.. فعشان اشيلها بكل بساطة هستخدم سلك ( سلك مواعين عادى ) و بكده بقى عندى قطعه ال pcb و النحاس فى المسارات اللى انا عايزها بس .    
                                         
بعد كده المفروض اعمل اخرام عشان احط فيها ال component بتاعتى و الحمها من الناحية التانية و عشان تخرم ال pcb ممكن نستخدم مثقاب كهربى صغير كده او فى مثقاب يدوى ( بس الكهربى احسن طبعا ) بس ناخد بالنا لو كهربى انى اخلى ايدى عمودية و اضغط براحه عشان البنطة متتكسرش ولا الفتحة توسع.↓
                                                     
  و شكلها بيبقى كدة  
اخر حاجه اننا زى ما قولنا بنحط ال component ناحية المادة العازلة اللى هيا الناحية الفاضية  و بنلحم ال pins بتاعت ال component فى الناحية اللى فيها المسارات النحاس و يستحسن انى بعد ما الحم ال pins بتاعت ال component  انى اقص الحتة الزيادة عشان اكمل لحام و المشروع يبقى شكله احلى . ↓

 

Leave a Reply