face posts

Relay

ال Relay من الحاجات المهمه اوى و البسيطه جدا
عايزين نعرف ده ايه اصلا و بيعمل ايه و بيشتغل ازاى .
ال Relay دى عباره عن switch .. ايوه مفتاح متستغربش
بس اكيد فى خصائص تانيه مهمه هتخلينى استخدموا و دى هنعرفها كمان شويه
مبدأيا كده احنا عندنا نوعين اساسين من ال Relay
1- (Electromechanical Relay ( EMR.
2-( Solid State Relay ( SSR
بس احنا هنتكلم دلوقتى عن اول نوع اللى هوا EMR .
بيتكون من ايه بقى البتاع ده …؟؟
1- من اهم الاجزاء و هوا coil و هوا عباره عن سلك ملفوف على core معدنى و ده بيولد مجال مغناطيسى .
2- ال Armature و ده عباره عن دراع فى اخره ماده موصله ( و دى هتبقى رقم 3 ) اللى بيقفل او يوصل الدايره
(اكنه زرار المفتاح ) و متركب فيه spring عشان يرجع لوضعه الاصلى لما ميبقاش فى تيار.
3- ال contacts و دى اللى متوصله فى اخر ال armature .
4- ال frame و ده اللى شايل كل الرغى اللى فات ده

…. علشان تفهم اكتر شوف الصورة ديه

كده عرفنا هوا متكون من ايه ..عايزين نعرف بقى بيشتغل ازاى ..؟؟

دلوقتى انا بيبقى عندى دايرتين دايره بتاعت ال Relay نفسها و الدايره الاصليه

بتاعتى ف لما التيار يمشى فى دايره ال Relay ال coil بيولد مجال مغناطيسى

و المجال ده بقى يعمل ايه

 هيشد الدراع ناحيته و بالتالى هيحصل حاجه من 2

1- لو الدايره الاصليه اتقفلت ( مشى فيها تيار ) لما دايره ال Relay اتقفلت و دة نوع اسمه

( Normally Open ( NO

2 – العكس بالظبط …

الصورة هتوضح الكلام اللي احنا قولناه …

 

نوضح نقطه ال normally openلما نقول كلمه normal
بيبقى المقصود ان دايره ال Relay تبقى مفتوحة و فى الحاله دى نشوف الدايره الاصليه بتاعتى
يا ترا مفتوحه و كده تبقى NO
او مققوله و تبقى NC

عايزين بقى  نتكلم عن كذا design لل electromechanical Relay
بس فى الاول لازم نعرف كذا حاجه كده
عندنا حاجه اسمها pole و حاجه اسمها throw … ايه دول بقى ؟؟
تخيل معايا انك راجع البيت
ف ممكن تبقى ماشى فى شارع بس مش متفرع فهتمشى فيه علطول … و ممكن يبقى متفرع و انت تحدد هتمشي يمين او شمال .. و ممكن يبقى كذا طريق و شويه متفرعين و شويه لأ )
ايه اللى عايزينوا من الطرق دى
ال pole عامله زى الطريق التيار ماشى فيها لو فى الاخر مفيش غير طريق واحد يمشى فيه كده يبقى عندى throw واحد
و الحاله دى اسمها
(Single Pole Single Throw ( SPST
لكن لو كان فى اتجاهين فى اخر ال pole يبقى كده عندى double throw و دى اسمها
Single Pole Double Throw
( SPDT )
ف كده كل design من دول ليه عدد pins مختلفه حسب نوعه
و شوف الصوره هتفهم الدنيا اكتر.
عندنا حاجه تانى بقى اسمها break و دى عباره ان ال relay ممكن تتحكم فى كام منطقه فى الدايره و دى ممكن تبقى
1- single break
و دى فى الاغلب بستخدمها فى الاجهزه اللى ليها power قليله
2- double break
و دى فى الاجهزة اللى ال power بتاعها عالى

Leave a Reply

Your email address will not be published. Required fields are marked *