face posts

Tests OF Transformer

 

مش احنا امبارح اتكلمنا عن الTransformer 
نعرف بقي كام معلومة في السريع كدة 

يعني لو انا اشتريت transformer .. ازاي اعرف انه سليم وشغال زي الفل 

👈 اول حاجة كدة انت اشتريت محول وبعد كدة اشتغلت في درجة حرارة عالية .. فحسيته سخن جامد او انتفخ من علي الجناب اعرف كدة انه باظ  .. للاسف اه باظ .. كدة ممكن يبقي الملفات نوعها وحش جدا ومن زيادة درجة الحرارة باظت 
👈👈 لما تشتري محول ممكن متبقاش عارف فين الملف الابتدائي وفين الثانوي .. وتبقي انت جايبه علي اساس انه رافع للجهد وفجاة تلاقيه خافض للجهد وانت مش فاهم ايه الغلط .. والدنيا معاك تبوظ ..
والحل
بص زي ماحنا عارفين انه في Data Sheet للترانزستور والدايود علشان نفهم الدنيا ماشية ازاي .. هتلاقي نوع المحول اللي انت شاريه برضو ليه حاجة زي الData Sheet كدة وديه بتقولك انهي سلك هو الملف الابتدائي

👈👈👈 خد حاجة كمان في الجون وهتسهل عليك كتير جدا 
افرض انا مش عارف اجيب اي معلومات عن الTransformer … ولا عارف اجيب data sheet ولا عارف اعمل حاجة 
مش احنا قولنا انه مثلا لو خافض للجهد يبقي عدد لفات الثانوي اقل من عدد لفات الابتدائي 
طيب لما يبقي الملف الثانوي لفاته اقل مش يبقي اكيد مقاومته كمان اقل

فاحنا نجيب Ohm meter ونقيس المقاومة اللي مقاومته اقل يبقي هو الثانوي واللي مقاومته اكبر يبقي هو الابتدائي 
لو رافع للجهد اعكس اللي قولناه 

👈👈👈👈 دخلت التيار وعملت كل حاجة ومافيش فايدة مش راضي يشتغل … موصل الدايرة زي الفل وبرضو مش شغال ولا بيخفض ولا بيرفع حتي …. 
حاجة زي كدة بتحصل لما ببقي مدخل التيار تيار مستمر وبكدة لا في فيض ولا في مجال مغناطيسي يبقي المحول ولا لو عملت ايه مش هيشتغل 
فخد بالك انت مدخل انهي تيار بالظبط 😉

Leave a Reply